LONTONG BANJAR_CITA RASA KULINER NENEK MOYANG

Bila pian ka Banjar jangan kada ingat lah mencoba menu masakan nang sabuting ini yaitu lontong Banjar. 

Di banua kita menu ini merupakan salah satu masakan nang biasa disajikan gasan makan di pagi hari selain menu lainnya seperti soto banjar, ketupat kandangan atau nasi kuning iwak masak habang.

Sekilas penampakan lontong Banjar mirip kaya lontong sayur atau kupat sayur nang ada di daerah jawa tapi bedanya lontong banjar aroma bumbu rempahnya lebih kuat wan santannya lebih kantal. Ilat urang banjar nang katuju bememakan dan tahu lawan rasa nyaman pasti kawa membedaakan rasanya

Manurut pecinta kuliner lontong banjar lebih gurih alias lebih nyaman jua, mungkin karena campuran macam macam rempah nang ada di dalamnya lebih kompit apalagi bila dibuati sayur nangka anum wan iwaknya haruan atau hintalu masak habang.

Lontong Banjar ini bisa pian tamui hampir di seluruh kota dan kabupaten nang ada di Kalimantan Selatan, bahkan ada jua nang manjualnya hingga sampai malam hari.

( Penampakan Lontong Banjar)

Nah, sakali lagi amun pian ka banjar jangan kada ingat lah mancobai menu nang satu ini dan rasakan perbedaannya.